متجر رديمة للمكياج ومستحضرات التجميل
قضايا و شائعات

شركة جيسيكا BLANC & ECLARE تواجه دعوى قضائية لتعثرها عن سداد دين يبلغ 8 مليارات وون + توضيح حبيبها لتفاصيل القضية

تواجه شركة جيسيكا جونغ (Jessica Jung) المتخصصة في الموضة والتي تحمل اسم BLANC & ECLARE دعوى قضائية لتعثرها عن سداد دين يبلغ 8 مليارات وون (حوالي 6.79 مليون دولار أمريكي أو 25.3 مليون ريال سعودي).

وفقا لتقارير وسائل الإعلام، اقترضت مجموعة BLANC مبلغ 3 ملايين دولار (حوالي 11.2 مليون ريال سعودي) من شركة Spectra SPC شهر أكتوبر 2016 ومليون دولار آخر (حوالي 3.7 مليون ريال سعودي) شهر مايو 2017. ولقد نُقل الدين إلى شركة Joyking Enterprise شهر أغسطس 2021 وقامت تلك الشركة برفع دعوى قضائية ضد شركة BLANC & ECLARE لتعثرها عن سداد دينها مع الفوائد، والذي يصل مجموعه إلى 8 مليارات وون.

أسست جيسيكا علامتها التجارية BLANC & ECLARE سنة 2014، والرئيس التنفيذي للشركة هو حبيبها تايلر كوون (Tyler Kwon).

وضح حبيبها تايلر كوون تفاصيل القضية وكيف أن الموقف الذي تواجهه الشركة غير منصف حيث أضاف قائلا:

“لقد كنا منتظمين في سداد الدين لمدة 3 سنوات منذ أن حصلنا على القرض من شركة Spectra SPC سنة 2016، وفي سنة 2020 وبسبب أوضاع جائحة كورونا اتفقنا مع الشركة أن نمدد فترة سداد الدين.

لكن في شهر أغسطس نُقل الدين إلى شركة Joy King Enterprises ومن دون أن نعرف حتى أن ديننا قد نُقل، بدأت شركة Joy King Enterprises فجأة بالتواصل معنا وطلبت منا سداد الدين كاملا مع الفوائد في غضون أسبوعين.

وعلى الرغم من أننا قد وضحنا لهم حقيقة توصلنا إلى اتفاق مع الشركة السابقة على تمديد فترة السداد إلا أن Joy King Enterprises رفضت الاستماع لنا وأصرّت على مهلة الأسبوعين، والذي أدى في النهاية إلى رفع الدعوى القضائية.

وبما أن شهر سبتمبر يتخلله فترة إجازة التشوسوك الرسمية، وضحنا لهم أننا سنتمكن من حل المسألة بالكامل لو أنهم منحونا المزيد من الوقت، لكنهم أصرّوا على سداد الدين بأكمله في غضون أسبوعين. 

بالنظر إلى حجم شركتنا، هذا قرض يمكننا سداده بسهولة، لكن دفع الدين كاملا مع الفوائد في غضون أسبوعين مباشرة بعد أن نُقل الدين لهم كان طلب مبالغ فيه كثيرا.

هذا ليس قرض شخصي لـ جيسيكا، بل قرض تجاري لشركة BLANC & ECLARE. هذه الدعوى القضائية وتقارير الإعلام أثرت بشكل سلبي في سمعة جيسيكا.”

المصادر: allkpop, soompi

الوسوم

64 تعليقات

  1. “بالنظر إلى حجم شركتنا، هذا قرض يمكننا سداده بسهولة، لكن دفع الدين كاملا مع الفوائد في غضون أسبوعين مباشرة بعد أن نُقل الدين لهم كان طلب مبالغ فيه كثيرا.”

    يعني الشركة ما افلست ولا في وضع صعب هههههههههههههههههههههههههههههههههههههه

  2. اوكي حبيته انه دافع عن جسكا وخرجها من الموصوع قلب رف رف رف رف ..كنت متوقعه موقف معاكس😁

  3. ما احب جسكا واشوف وجهها مش مريح بس وش الي 8 مليارات باسبوعين؟ مستحيل اي احد يسويها يعني حتى لو كان معه فلوس

  4. اذا يقدر يدفع بكل سهولة على قولته يسدد الدين وهو ساكت الله لا يهينه. ليش الفلسفة اللي مالها داعي؟ شين وقوي عين. من ٢٠١٦ وهم يسددون في الدين وله وجه يسوي فيها المطنوخ اللي ما يأثر فيه مبلغ زي كذا؟

    1. تسديد الديون الكبيره ما يصير بيوم وليله حتى لو عندك فلوس. اغلب الشركات تكون فلوسها على شكل اصول ( اراضي و ابنيه و سيارات وغيره) و اذا كان عندهم فلوس بالبنك تكون مستثمره باسهم و سندات والخ.. و موقعين ان ما يسحبوها الا بعد فتره معينه فا بالغالب ما يتعاملون بالكاش. فا انتي تخيلي باسبوعين فجاه وهم مو حاسبين حساب بيقولهم يلا سددو بيبيع اللي عنده بتراب الفلوس عشان يجمع المبلغ هذا اصلا اذا احد اشترا منه بسبب كورونا و الحاله الاقتصاديه

      1. كلامك كله صح لو تسلفوا اليوم وبكرة قالولهم سددوا بس الدين من ٢٠١٦ وعلى كلامه الدين مع الفوائد ٨ مليارات وون وكان يسدد بانتظام لثلاث سنوات وتعثر عن سداد الباقي سنة كورونا ٢٠٢٠ وطلب منهم يمددون المدة.

        تعالي نحسبها ع السريع. لو قلنا كان المفترض ينتهي من سداد الدين كامل سنة ٢٠٢٠ يعني مدة السداد كانت ٤ سنوات. ٨ مليارات نقسمها على ٤ سنوات = مليارين وون كل سنة هذا لو كان صدق منتظمين في السداد.

        يعني ما بقى من الدين كله إلا مليارين وون واللي تجي تقريبا 6 ملايين ريال حقت ٢٠٢٠ وطلب منهم يمددون الفترة. شركة كبيرة على قولته ما تقدر تسدد مبلغ زي كذا؟ ياخي يتكلم بتواضع ويقول الصدق وإنهم في وضع مالي سيء بس الفوقية هذي مالها داعي.

        وبعدين سالفة نقل الدين من شركة لثانية تثبت إنهم متعثرين من زمان، ما فيه شركة تبيع دينها لشركة ثانية إذا كانت متربحة من الدين ومرتاحة. بس شكلهم شافوا إن ما فيه فايدة منهم وباعوا دينهم بسعر أرخص لشركة ثانية وعلشان كذا الشركة الثانية رفعت قضية عليهم سريع سريع لأنها مو واثقة في قدرتهم على السداد وما يشوفون لشركة جيسيكا مستقبل.

        1. انا اللي فهمته ان الدين الان بذي السنه ٨ مليارات و لا اذا كان اقل و قد سددو دفعات للشركه اللي كانت تملك الدين كان ما ذكرو المبلغ الكلي و بالنسبه لنقل الدين من شركه لشركه اخر مو شرط انهم متعثرين. بالعكس ممكن الشركه اللي باعت هي المتعثره و تحتاج سيوله او تبغى كاش عندها بالخزنه في اسباب مررره كثيره تخلي الواحد ينقل دين لشخص ثاني + لو الدين مستحيل تحصيله صدقيني الشركه الثانيه ماراح تاخذه. بالنهايه ما نقدر نحكم من مقاله ذكرت فيها تفاصيل قليله و وجهت نظر شخص واحد كل شركة لازم تطلع تقول اسبابها عشان نفهم لان الشركات عندها استراتيجيات للاستماراريه و لو اقولك عن عدد الشركات الكبيره اللي تتسلف وهي اصلا مو محتاجه راح تنصدمي فا الموضوع متشعب جداا 👌🏽

        2. الي يعجبني فيكي انك فاهمه في امور القانون من زمان ملاحظه عليكي دا الشي

      2. لو شركتهم فعلا كبيره زي ما بيقول يقدر يسددها في اي وقت + يقدر يسددها حتى في وقت كورونا لانو شركتهم كبيره معروف الشركات الوحيده الي تاثرت بكورونا هيا الشركات الي يدوبك ممشيه حالها
        فبلاش هياط منه هذا قصدها
        يقول والله احنا متفقين انو نعطيهم كل سنه مبلغ وعلى اساس دا الشي مدبرين امورنا ما نقدر فجاءه ندفع المبلغ كامل ليس باستطاعتنا
        اما فلسفه المبلغ بسيط والشركه كبيره تقدر عليه
        كله كذب بس عشان ما يبغى سمعه الشركه تنزل الارض وتبان مفلسه واضحه اللعبه

    2. أكمل كلام تفهم مقصده الدين كاملا مع الفوائد في غضون أسبوعين مباشرة بعد أن نُقل الدين لهم كان طلب مبالغ فيه كثيرا. وكلامه منطق دين + فائدة و بدون اشعار مسبق خصوصا مع اتفاق على تمديد من اجل تسديده على دفعات
      الامر ليس سهل

      1. الكلام الي نقلتيه ماحد معترض عليه الي بتتكلم عليه هاذي الجزئيه
        “بالنظر إلى حجم شركتنا، هذا قرض يمكننا سداده بسهولة، لكن دفع الدين كاملا مع الفوائد في غضون أسبوعين مباشرة بعد أن نُقل الدين لهم كان طلب مبالغ فيه كثيرا.”

  5. الاعلام للآن بهاجمها و بدور الزلة
    بالنهاية موفقة + عجبني رد تايلور و كيف دافع عنها😍😍

  6. “بالنظر إلى حجم شركتنا، هذا قرض يمكننا سداده بسهولة”
    كان سدد الدين من أول وانثبر .

  7. – لكن في شهر أغسطس نُقل الدين إلى شركة Joy King Enterprises ومن دون أن نعرف حتى أن ديننا قد نُقل، بدأت شركة Joy King Enterprises فجأة بالتواصل معنا وطلبت منا سداد الدين كاملا مع الفوائد في غضون أسبوعين.

    صراحه معاهم حق ان يصير تعسر بالدفع، اللي فهمته من كلامه انه هم اصلا يسددون على دفعات ومتفقين على ذلك مع الطرف الثاني فا لما تجي كذا وتطلب المبلغ فجاه حتى لو الشركه وضعها كويس وعندها فلوس راح تعاني لان بالنهايه الفلوس اللي عندها عباره عن اصول ثابته و اموال مسجله بالبنوك و اسهم وسندات وغيره ( يعني مو كاش) فا لما تقوله يلا بسرعه هات الحين انت كذا تخليه يتورط و يضطر يبيع اللي وراه وقدامه بخساره عشان يدبر مبلغك. و الاعلام كاتب الخبر كان جسيكا نفسها تسلفت وتورطت! قرض تجاري ما يمس اموالها الشخصيه هذا اولا ثانيا المبلغ بسيط بالنسبه لها متاكده عندها اضعافه 💀💀

      1. يعني الشركه تكون فلوسها عباره عن اصول ( اراضي و مباني مثلا) او مستثمره بالاسهم و السندات ( الاسهم عباره عن شراء جزء من شركة اخرى، و السندات تسليف المال لشركة اخرى) كل هذي اشكال للفلوس بس ما يعني انها كاش و لين تتحول لكاش تاخذ وقت. يارب تكوني فهمتي واذا كلامي مو واضح ابحثي بقوقل يمكن يفيدك اكثر 😊

        1. فيني اتعرف بحضرتك لو سمحت انا وصال من المغرب 20 سنة طالبة هندسة وانت؟

    1. أنا كنت معاه لين ما وصلت هالجزئية “بالنظر إلى حجم شركتنا، هذا قرض يمكننا سداده بسهولة” أسلوبه فيه فوقية مستفزة. يعني فوق ما إنهم متسلفين مستخفين بالمبلغ بعد! طيب تشوفه ولا شي سدد. تذكرت ناس إذا الواحد طارد وراهم وقلهم رجعلي السلف يقولون ياخي غثيتنا تراها كلها كم ألف ومسوي زحمة عليها 😑

      1. معاك انا بس يمكن تكلم بهالفوقيه لان حصلت معاه مشاده من الشركه المسلفه لهم و حب يوجهم لهم رساله او ممكن كان في تعليقات من العامه استفزته كثير اسباب تخليه يقول هالجمله. المهم ما اعرفه ولا اتابع جسيكا بس حبيت اوضح ان صدق بعض الشركات حتى الكبيره تعاني من موضوع دفع الديون

      2. “ياخي غثيتنا تراها كلها كم ألف ومسوي زحمة عليها 😑”
        يمه ،مروا علي 😂😂😂
        يحسسونك انهم متجملين فيك بمماطلتهم بعد 🤡

      3. ابدا كلامك ماله علاقة باللي قاله … تخيلي انك تتفقين مع وحدة اتفاق انك عندك ظرف ما تقدري تنجزي عمل الا بعد اسبوع او اسبوعين وتوافق ثم فجأة تقولك الحين تخلصين ولا اكتب فيك تقرير اهمال هل هذا تشوفينه عدل ؟ هو طبيعي يتكلم بفوقية لان الحركة اللي عملتها الشركة مستفزة وتلاعب اصلا … مو مسألة ان جت على كم الف يقدروا يدفعوها خلاص يدفعوا ترى الموضوع تعامل شركات وتجارة اي الف يشوفونه زيادة ما يفرطون فيه لانه يتسبب لهم بعجز اكثر فيما بعد وهم رح يدفعوا فوق المبلغ فوائد لذلك الموضوع مو مثل انهم يلاحقونهم ويقولون لهم لا وازعجتنا زي ما تقولين لا الموضوع ان فيه نقل ملكية وتلاعب وهالشيء بحد ذاته يقدروا يقاضوهم عليه … مسألة اننا نكره المشاهير لدرجة نقول عندكم فلوس الا وتدفعوا هذا مو منطق كل شيء وله حق بالاخير هي رح تدفع من الاموال اللي رح تجيها من مبيعات الشركة وتجارتها وليس من اموالها الخاصة وهالمبيعات مو شرط تكون كاش فتاخذ وقت حتى تتحول كاش

  8. بالنظر إلى حجم شركتنا، هذا قرض يمكننا سداده بسهولة

    وتففف اذا كنتوا هيك ليش اقترضتوا من البداية فوق ما انه عم يلف و يدور قاعد يتكلم بفوقية

  9. اللي مطلع على السوق بيكون عارف ان الشركات تشتري بالدين حتى لو كان معاها السيولة لاحل استثمارات ثانية بالنسبة للسوق جدًا عادي بس الشركة فجأة تبيهم يدفعون اوفر
    وهو جا بيكحلها عماها الله يصلحه وش معكم المال بسهولة
    واحد من اكثر الاشياء اللي ممكن تسقطك في عالم الاعمال الغرور وانك تتخذ من اهل المال اعداء امام الملىء

  10. الإعلام بيحب بهارات ما دام قال تقدر تسد وضع جيد بس الإعلام لقد افلست 😂😂 والله بيضحكوا عموما ما بعرف عندها حبيب

  11. … انا مصدقه ان المبلغ مش كبير مقارنة بثروة جسيكا .احس ان الاخ تايلر معها لاجل تسيير اموالها لا غير

    1. لانها فلوسها مو فلوس الشركه
      لانه في حال شركتها تكون كانها شخص اذا فلست الشركه محد يتحمل ديونها

      1. لا طبعا بالتجارة لما تكون شراكة ما يكون الافلاس له دخل في الاموال الخاصة وهذا عام بحد ذاته … فوق هذا هم اللي تعرضوا للخداع لما الشركة وافقت عالتمديد فجأة نقلت الدين لناس اخرين وتطالبهم بمبلغ اكثر ترى غباء انهم يوافقوا على دفع المبلغ لانه اصلا تم خداعهم من البداية كيف ادفع انتي خدعتني

  12. إذا كانوا متعاقدين مع الشركة الأولى فالواجب أن يتفقوا حسب معاهدة ورقية وليس كلامية تجنبا لمثل كذا مواقف وعلى أي حال موقف الشركة الثانية خسيس جدا ٨مليار باسبوعين من وين يجيبهم اكيد راح تسبب أذى للشركة لو مهما تكون كبيرة + شوضع اللي نازلين فيها سب من الاخر ما هي مجبورة تكمل كصنم طول حياتها ولها الحق انو تشق مستقبلها لحالها وفعلها هو الصحيح كاتبة مصممة ومغنية رائعة جيس بالمعنى الحرفي 🍒🤍

  13. تصدقو والله في كلام يتناقل بين الساسانغ يكون صح اتذكر سنه 2016 وحده من الساسنغ في تويتر قالت شركه جيسيكا على وشك الافلاس لاني فانز لسنسد اتذكر الكلام وقلت في نفسي مستحيل دا الشي لاني كنت شايفتها مسويه كويس
    بس اتوقع فعلا كان حقيقه عشان كذا اخدت دا القرض الضخم واصدرت اول البوم لها سنه 2016 عشان تكسب سيوله

    1. كل الشركات الكبيرة في العالم تاخذ قرض للعلم عشان تكبر
      حجمها وتكبر وتدفع الباقي من الارباح اذا حتى الدول الغنية يقترضوا من بنك النقد الدولي فما بالك بشركات؟ هالشيء معروف بالتجارة للعلم … من ناحية عودتها في ٢٠١٦ مدري من قالكم ان جيسيكا كانت حابة تترك الفرقة والشركة ترى حلمها انها تستمر كمغنية بجانب شركتها لولا حركات الغدر من اس ام … ترى لاخر لحظة صورت كليب مع فرقتها وتسرب مقطع بس اس ام اذا بغت تدمر واحد حطته شخص سيئ

      1. الي اعرفه ماحد ياخد قروض الا الي في بدايه مشروعهم او الي متورطين
        وجيسيكا ما كانت في بدايه مشروعها سنه 2016
        وموضوع انها من البدايه حابه تكمل كمغنيه هذا شي بينها وبين نفسها ماحد يقدر ياكده بس تواريخ عودتها تشكك
        بعد ما طلعت بسنتين عوده في 2016 واخر عوده لها في وقت مهم وهوا احتفاليتها هيا وسنسد بتكمل 10 سنوات يعني اثار ه جدل والمفهوم عن انها جات الحفله متاخر وانهم تخلو عنها هذا الكلام من 4 سنوات للان
        في ال4 سنوات دي جيسيكا كانت مركزه في اشياء ثانيه زي شركتها و كتابها الي ماله داعي وبس اثار الجدل مره ثانيه
        لو فعلا حلمها تكمل كمغنيه كان كملت بدال ما تركز فيه في كتابه روايه
        تيفاني مثلا من يوم طلعت من اس ام ونقلت شركه ثانيه ما كملت 5 شهور الا وهيا منزله عوده وكل سنه تنزل عوده معناه مهنتها كمغنيه لها الاولويه

  14. معليش الحركه تقهر اول شي لما نقل الدين كان لازم تخبر الطرف الثاني بالموضوع مش كذا فجاء
    ثاني شي في عقود والتزامات لكل شركه مدري احس انها مقصوده عشان يطلون الشركه من السوق

  15. كورونا لعبت ف جميع الناس ع جميع المستويات !
    و حركة اسمعي ادفعي الفلوس اللي اخدتيها مني لفلان عشان هو بيحصل مني ، حركة مقززة انا اخدتها منك اروح ادفع عنك لفلان ليييييه

  16. فيه كمية تعليقات كارهة جالسة تخلط الحابل بالنابل ترى مو معناها تكرهوا شخص تروحوا تألفوا غصب تطلعوه بخيل الموضوع ترى تجارة مو لعب … ترى اللي حصل قدام العين خداع هم اتفقوا مع الشركة تمديد دفع الدين والشركة وافقت لكن الشركة غدرت فيه ونقلت الاملاك لشركة اخرى تطالبهم بدفع فوائد اكثر … من الغباء اصلا انهم يوافقوا يدفعوا حتى لو عندهم الاموال وهم اللي مخدوعين … الشركة الاولى لو ما وافقت على تمديد الدفع كان قلنا من حقهم بس هم وافقوا وبعدين غدروا … من ناحية اخرى ترى التجارة ما تدخل في الاموال الخاصة الا اذا كانت فردية وفي حالة جيسيكا شراكة مع حبيبها وفيه مستثمرين اللي هي الشركة اللي غدرت فيها فالطبيعي اصلا ما تدفع فلوس من اموالها الخاصة واموال الشركة تاخذ وقت حتى تصير كاش بما ان كل شركة بيكون لها اصول اخرى مثل اراضي وغيره بيعها بحد ذاته والتفاوض على مبلغ ياخذ وقت … ومن ناحية ردة فعل حبيبها ردة فعله طبيعية جدا هل يتكلم بلطف مع ناس غدرت فيه وهو قال يقدر يدفع المبلغ لكن ما رح يدفعه مع فوائد ما كانت مفروضة عليه من قبل .. واضح ان فيه ناس جيسيكا غاثتهم عشان لازم مفضلينهم يكونوا ملاك وجالسين يسبوا وبس … واللي يقول ان اس ام عندها بعد نظر لما طردتها سبحان الله بعد النظر هذا ما شفناه مع يونهو ولا بعد النظر اشخاص عن اشخاص … بالتجارة كل فلس لازم يعرفون وين يحطونه ولا ينقلب افلاس حقيقي بعدين مو يروحون يعطون اموال زيادة مو مطالبين فيها

    1. الشركة لا عندها بعد نظر ولابطيخ بس البعض يحبون يضحكون على نفسهم فضايح اللي فيها مؤخرا تشهد ومايحتاج نتكلم عن ماضيهم الأسود في العقود
      السم ببساطة بتدعس على أي احد يخالفها بغض النظر عن أي شي آخر .
      اما التجارة فهي ربح وخسارة في العالم كله
      ومن حق جسيكا تشوف شغلها وطريقها الخاص .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق