أخبار عامة

الإعلام الأجنبي تداول الأكاذيب التي تزعم أن بعض الفتيات فُقدن أو خُطفن بعد تأجيل حفل ستراي كيدز وتشونغها في الرياض

أعلن منظمي مهرجان موسم الرياض مساء يوم 14 يناير عن تأجيل حفل الفرقة الكورية ستراي كيدز (Stray Kids) والمغنية تشونغها (Chungha) بسبب سوء الأحوال الجوية وهو ما أحبط محبي الفرقة والفنانة.

لكن بعد هذا الإعلان تداولن العديد من المعجبات أقاويل على تويتر يزعمن فيها أن العشرات من الفتيات فُقدن بسبب عمليات اختطاف عشوائية. لكن حتى هذه اللحظة لم يتم إثبات أي من هذه المزاعم لكنها للأسف وصلت إلى المعجبين الأجانب ومن ثم إلى وسائل الإعلام الأجنبية.

يزعمن بعض المعجبات أن العديد من الفتيات سافرن إلى الرياض من أجل الحفل خصيصا، وبعد تأجيل الحفل واجهن مشاكل في “النقل”. وفي الوقت الذي كن يحاولن فيه هؤلاء المعجبات اكتشاف طريقة للعودة بسبب تغيير الخطط المفاجئ، زعم البعض أن هناك فتيات خُطفن من أمام مقر الحفل.

هذه أمثلة للتغريدات المتداولة على تويتر والتي تُرجمت وتناقلتها وسائل الإعلام الأجنبية:

لكن هناك العديد من الأشخاص الذين شهدوا بأن ما تم تداوله على تويتر أكاذيب وتهويل لم يحدث منه شيء والهدف فقط إحداث بلبلة وتشويه لسمعة التنظيم.

ولقد صرّحت وسائل إعلامية رسمية أن كل ما قيل مجرد أكاذيب:

وحتى تركي آل الشيخ نفسه أضاف تغريدات يسخر فيها من الأكاذيب التي تم تداولها على تويتر بخصوص الحفل وتنظيمه:

من الوسائل الإعلامية الأجنبية التي تداولت الخبر موقع koreaboo والعديد من الحسابات الأجنبية الكبيرة على وسائل التواصل الاجتماعي.

الوسوم

144 تعليقات

  1. 😂😂😂😂نزيف فالرحم والمواد الكيماوية ومتنكرين بأزياء الشرطة حتى طفل ما يصدق هذه الأحداث

  2. خافوا ربكم يا بنات الصور اللي نشرتوها لواحد مشتبهين انه متحرش طلعت قديمه ومالها علاقه بالحفل هذا اللي سويتوه يعتبر تشويه سمعه ومستقبل الشخص هذا ممكن يضيع بسبب هبدكم ممكن في الحفل صارت مضايقات وتحرشات لكن غاز منوم واختطاف هذه مبالغه رح أحسن النيه بكل شخص نشر الصور والبلاغات الكاذبه واعتبرها رده فعل وخوف على البنات واخيرا ما نبغى فعاليات يا تركي ال الشيخ نبغى راحه البال

    1. ياخي ع كثر الفنانين اللي يجون السعودية من العرب و الاجانب ما شوفت ناس زي كذا مقرفه في حياتي الى في ذي الحفله 🤢🤢🤢 ذحين اكتشفت احسن حفل حفل بتس ناس محترمه + هو واحد او وحده طفله قالت كلام و لحقوها البهايم اللي معاها + ترى هذا تشويه سمعه يمديه. يشتكي و يروحوا و راح الشمس ع اللي سووه في الادمي حسبي الله عليهم

      اتمنى تركي آل شيخ ما يجيب كيبوب بعد اليوم لانهم اطفال لما يكبرون يجيب

      1. الي حضروا بعضهم ما حصل محتوى ينشره لان الحفل تأجل فقاموا يألفون اكشن من عقلهم وشعب تويتر ما كوّد يقوم يألف معهم 🤦🏻‍♀️

  3. وش دي المبزرة….استغفر الله…ما يصلح لهم غير احلام و مشاعل و الشعبي، هذول مو وجوه كيبوب

  4. ناس مريضه وحقوده اعوذبالله بس الشرهه ع بعض البنات المخفات او الشباب الي يسوون رتويت لذا الحسابات الحقوده الله يزيدهم غل وحقد يفجر قلوبهم السوداء

  5. اول مره بحياتي احس اني كلاون بهالدرجه، كنت شوي وببكي علي حال البنات والي كنت اقرأه في التويتر، الله لا يوفق الي كانوا يكذبون😭

    1. التويتر و الاعلام و ‏برامج التواصل الاجتماعي اخر شي اصدقهم لان البعض كذابين و يبغون شو الخ

    2. الا التويتر واضح اكتر من موقف فضيحة او اي خبر تاني حيزيدو بهارات علي الخبر لدرجة تحويله الي فيلم بوليوودي بامتياز

  6. ياخي وش ثقل الدم هذا
    هاذو مش مواضيع للمزح وتسيء اكثر شي لسمعة الدولة وتعرض صاحبها للسجن

    1. عصبونى وكارتة لقيت وحدين تيقولو يكتبوها لتشان اش واقع حماق عمرى شفت ناس مستعدة تشوه سمعة بلادها على ود تفاعل من غير صور لى حطو قالك متحرشين طلعو مشاهير فى السعودية وناس اخرى لا علاقة لها بالموضوع عرفتى كمية تأليف وخزعبلات لا توصف

      1. انا اتوقع ينسجنو بتهمة الدعاية الكاذبة او التلفيق وتضليل الراي العام اصلا بالسعودية عقوبة المتحرش شديده يعني من الغبي لي رح يعملها علنا
        نعم رضع الكيبوب يعملو اكثر من كذا

        1. أغبياء حاليا مستحيل تركى يرجع يجيب فرقة كيبوب راه معنى فى تغريدة كانت قبل منهم حفلة لسلمان خان وحظور كان كبيير جدا لم يقع شئ

        2. اعلم
          لا رح يجيب اكيد لانه الفنان ماله دخل لكن اكيد رح يحطو قوانين صارمة على الحضور

  7. نااااعم وش هالخرط الفاضي وش خطف وش هالهبل من بدا موسم الرياض والحفلات والهبال ماسمعنا لا بخطف ولا هم يحزنون..

  8. مو سعوديه و مع ذالك قهرت فكيف قهرت السعوديين ع الي بيحكوه و تشكيكهم بالامن الي فيها و انها كله بلد تحرش و التنظيم حق الحفل سيئ و هو في ناس حضرت وبتشكر و كل شي كان تمام و الشرطه و الاسعاف كانوا حاضرين بالمكان سهل تهدم بس صعب تبني ان شاءالله تثبتوا لهم انهم غلطانين بالجيات و يكون في وعي اكثر و الي حصل مايتكرر و يكون درس للكل.. حسبي الله بس دمتم بخير

  9. البنات صغار جدااااا اهلهم حطوهم ومشيوا طبيعي يخافو ويبالغو الغلط من اهلهم كيف تحطوا بنات بذا العمر ١٤ و ١٢ مو صاحين

    1. بس ما يغلطوا ع الادمي و يصورو ناس ما يعرفونهم و يقولو ذا يتحرش خربو سمعت الادمي و مستقبله عشان كم بنت ضاعت ” بعدين اذا يتحرش من جد ترى راح تشهر فيه الحكومة و كل الناس تعرف ان ذا متحرش و ما راح يعيش فا ما بالك التشهير في واحد بالغلط ” ، الغلط من الاهل هم اللي رميتهم للي وحدهم + بعدين تقدر تسال رجال الامن او الشرطه انو ما عندي رصيد بدق ع اهلي او انا ضايعه و راح يسوها + اللي سووه مره اوفر و قرف ع كثر الحفلات اللي في السعودية ما شوفت اعفن من ذا الحفل 🤢🤢🤢

      1. صدقتي لاحظت يبغوا اتنشن وشوفونا عندنا دراما و شفت حسابات من دول عربية الله يهديهم مسوين انهم حاضرين ويتذمرو ويترجمو للاجانب مدري اش بيستفيدو؟

    2. الالي أعرفه انه قوانين الحفلات تمنع اشخاص تحت عمر 16 سنه انه يحضرون الحفل ل حالهم لازم معاهم شخص راشد

  10. مو قاهرني الا اغلب المتفاعلين مو من السعودية ساعات الانسان يحط نفسه بمواقف بايخخخه وواضحه من رده فعل تركي آل شيخ انه هذي اخر مرره يجيب فرقه من الكيبوب..

  11. احلى خبر في ذا النقطه 👇🏻

    “وكل من يروج لتلك الشائعات التي تقلل من جهود رجال الأمن سيتعرض للملاحقة والمسائلة القانونية ”

    ترى هذا عقوبتها كبير شوهتوا سمعت الرجال و مستقبله عشان مبزراتكم حسبي الله و نعم الوكيل ،

  12. ليش بينقلوا صورة غلط ومش صح عن بلد فيها أمان وامن حتى بره يخافو من البلاد العربيه اكثر .. انا مش سعوديه لكن كلنا عارفين انه هاد اشي مستحيل يصير ولا مره سمعنا عن الخطف بالحفلات !!! الله يهديهم mbc اكشن مأثره على عقول بعض البنات

    1. ايوة غباء وتخلف انا كمان مو سعوديه بس معروف الاجانب ما يصدقون يلاقونها فرصة فينا وذول ماقصروا الله لا يسامحهم ليش كذا

      1. يلاقونه فرصة لالقاء عباراتهم الشهيرة والمعتاده
        فعلا فانز الكيبوب اطفال

  13. واذا قلنا أغلب فانز الكيبوب مبزرة يزعلون 😡
    فيه إنسان صاحي يشوه سمعة دولته بالكذب علشان كم رتويت ولايك؟ بالله وش استفدتم الحين؟ ياخي القصص اللي قريناها ما تدخل العقل خير شر، تروحون تترجمونها للانجليزي ليش؟ أبي أفهم وش استفدتم بذي الحركات؟ فانز الكيبوب هم أكبر فانز درامي شفته بحياتي. موسم الرياض بدأ من شهور وستين ألف فنان جو عندنا وراحوا بس سبحان الله ما صار ذا الآكشن البايخ إلا في حفل اليوم. قهروني الله يقهرهم

    1. ترى مو كلهم سعودين اوكي في سعودين بس ترى في دول ثانية شوفتها تتكلم وهم اصلاً ما راحو للي الحفل بس كذا يهبدون كل واحد يهبد من عنده حسبي الله

      1. منجددد شفت كثير من دول ثانية ويقولوا جينا علشان الحفل واخر حفل وكمية رعب عشتها ومدري ايش.. من تهويلهم للكلام كانهم يبون الناس تنرعب تجي مو بس يجيهم اتنشن.. يقهروووون

        1. يا عمي هي جات ع الدول الثانية بس حتى الاعلامين صار متحرشين و هم نايمين 🤦🏻‍♀️ اتمنى الحكومة تعاقبهم و الناس ما تسكت عن حقها ابداً الناس المظلومين اللي شهروا فيهم و شوهوا سمعتهم عشان كم شخص كذب ، عشان مره ثانية يفكرون قبل ما ينشرون شي زي البهايم

          https://uploads.disquscdn.com/images/b0af78820629f555ec777ceca3b62bdd76a2bdbc7bab5196cc3329ff3e9b4cb3.jpg https://uploads.disquscdn.com/images/4480cec64e25dda150b82d8a59c14fa6c1c73f86980356331f82aac772637a19.jpg https://uploads.disquscdn.com/images/2ef3fa381c9f2b90e10e5720338a5753e9a0837c22f73a6f1ceb328dd208121f.jpg

        2. يقهرووون مسوين فلّة وهم يجرون اسماء اشخاص ابرياء بالموضوع.. ما يضحك ترا وربي.. والمشكلة يحلفون وكان مصير حياتهم يعتمد عالي جالسين يكتبونه.. الله لا يوفق كل شخص نشر اكاذيب امس وخوّف الناس شفت وحدة تقول بعد ما تأجل الحفل طلعت تتعشى مع صحباتها وامها اتصلت عليها مرعوبة يكون حصل لها شيء بعد ما شافت الكلام بهاشتاق تويتر يققققهرون وربي كثير اهالي عاشوا رعب بسبب الكلام الي بالهاشتاق

  14. انا من الرياض و عايشه هنا من طلعت عالدنيا و انصدمت من اللي قالوه اختطاف واغتصاب و خرابيط وييييين و بوقت موسم الرياض ووقت حفله و منطقة مراقبه بكاميرات و شرطه؟؟؟ و اللي يقولون يرمي مواد بوجههم و يخدرهم و ولا وحده صورت مقطع له ، هم يفكورن لاننا بالسعوديه فاكيد انه اللي هنا كلهم “متحرشين” و “مغتصبين” ، صح فيه ناس ضاعوا بس كلهم لقوهم بالنهايه و كانوا بس ضايعين لانهم من برا الرياض و مو عارفين المكان .

    و للمعلومية توهم قبل كم يوم طلعوا قوانين تشهير المتحرش جديده منجدكم تتوقعون انهم بيتحرشون على بداية تطبيق القانون؟؟ ترا يمديكم تصورونهم و تحطونهم بكلنا امن بلاغ و بسرعه يمسكونهم .

    اضافة: شفت كثير اجانب قاعدين يقولون انه فيه متحرشين يسوون نفسهم شرطه و لابسين زي الشرطه منجدكمممم؟ خييير مستحيييييل ذا الزي الرسمي للشرطة مو اي احد يلبسه تستهبلون؟؟

    1. لا يدرون إن عامل مغسلة انمسك بسبب إنه لبس بدلة عسكري يحسبون الدنيا سبهللة وجع

      1. اي بالضبط ، هم قعدوا ينشرون يقولون لا تثقون بالشرطة لانهم متنكرين و اذا كلموكم اطلبوا منهم بطاقتهم و اسمهم عشان تتاكدون خييير

    2. اختطاف في السعودية ولا و كمان ف العاصمة 😂😂😂 يضحكوا وربي يحسبونا ف المكسيك ولا وش

    3. شكرًا كنت ابغا اقول اللي انتي قولتي و عند القانون شكرًا لك ،،، مع احترامي للي الجميع بالله اللي مو من البلد لا يصدق الكذب لان الاعلام كذاب أسألوا الناس اللي فيها او اسألوا المقيمين اللي تعرفوهم وشكرًا للجميع اتمنى لكم يوم جميل ❤️🤍

    4. بحط كلامي هنا لان انتي اول تعليق و ابغا الناس تشوفه

      – بالله اي احد يشوفو صورت ذا الرجال في اي مكان تويتر استقرام تيك توك اي مكان بالله خليهم يحذفو الادمي تضرر من اللي قاعد يصير له و حسبي الله و نعم الوكيل https://uploads.disquscdn.com/images/25f5079e6adb09398f87c821d23776dd431a32bcdc5f39f63355ff2bf24461e5.jpg https://uploads.disquscdn.com/images/3d4d35460b0e74112f4f87287c18ec7385457b8ede57f79fdb39e75848bceef7.jpg https://uploads.disquscdn.com/images/77bd08d66566429327121cb848fae02028ee613e76f4021468d0e9850e09674c.jpg https://uploads.disquscdn.com/images/b957fc2b2b88cdff624d1bf3ea8fa8af03203bacd9fc00475eaa0187138792a3.jpg

      1. حسبي الله على كل واحد/ة نشروا كلام كذب لغاية في أنفسهم الرديئة
        شوهوا صورة أبرياء الله ياخذ حقهم
        وجحدوا جهود الأمن والمنظمين والإسعاف
        حسبي الله عليهم .

    5. شفنا التنظيم قوي والشرطة فكل مكان، انك تضيع ذا شي جدا وارد في مكان زحمة وكبير وكله تجمعات المفروض تصبر او اذا تخاف لا تروح من البداية، واعتقد حتى مسوين فئة عمرية فوق ال١٣ يعني انت مو طفل صغير، قاعدين يشوهو سمعة الحفل بطريقة غبية، ماصدقت اي اشاعة كلهم نفس الشي بنت لابسة جينز انقذوها اننن

    6. والله بديت أامن ان جماعه تويتر عايشين بعالم خيالي و تغريداته عباره عن قصص من تأليفهم و اخراجهم. شوهو صوره المنظمين و الدوله و ما اكتفو بذالك كمان شوهو صورة اشخاص ابرياء مالهم دخل حتى بالكونسرت. اطفاااال اطفاااال لاخر درجه. والاجانب ما صدقو يلقون اكشن و قامو يبهرون. ياليت كل اللي كتبو تغريدات تشهير باشخاص وهم ماعندهم ادله ولا عندهم صلاحيه التشهير يتعاقبون. اتمنى كل اللي تاذو يقدمون شكاوى عشان يعرفون ذا البزران ان الله حق يععع قاااهريني 😀😀

  15. المشكله قاعدين يتهمون الناس وهم حالهم حال نفسهم بعدين لا تحسبون انه شيء بسيط تراه قذف و تشويه سمعه!!!

  16. جد ناس مو وجه نعمه .اغلب الحسابات اردنيه ولا جديده ومسويين فيها فزعه بلغو على الحسابات الغبيه هذي عشان ما يكررون هبالهم ولا مطر وغبار طلعهم على حقيقتهم

  17. امس قبل ما انام
    شفت وحده معلقه عندي بهذا الكلام:” يابنات امانة اي وحدة في البوليفارد وتقدر تساعد بالله تساعد الستايز الضاعيين والاولاد بالله خافو ربكم فينا في واحد يرش شيء على البنات وياخذهم بالقوة لابس لبس ازرق ساعدوهم امانة ياجماعة الموضوع مو مزح البنات قاعدين ينخطفون وشوي ينقتلون بسبب سخيف بس لئنهم يحبون كوريين يمكن الشيء ذا بنضركم غلط بس حق لو ساعدها البنت بتتعلم ترا ولله شعور الضياع والخوف والتوتر شين ابد مو حلو لو يمديني كان ساعدت وانا واقفة على اعصابي ودي اساعد بس المسافات بينا طويلة وأقل شيء أقدر اسويه اني انشر امانة”
    ما استوعبت كميه التناقض من الصدمه ومدري ايش كنت ريللي خيفانه اش السالفه فرحت لها بالخاص وسالتها وما ردت على الا صباح اليوم وقالت “ماقصد شيء بس الستايز اليوم كانو بكونستر سكيز جاهم مطر وغبار وهواء قوي والشاشات طاحت عليهم والكونستر بمكان كبير وفاضي كله رمل وطلعوهم والبنات تطشرو ضايعين ويدورون مساعدة وفي تحرش وخطف وكذا قلت انشر انشاءلله يعني احد يشوف ويروح يساعدهم لئنهم متقروشين الكل يسأل ويكتب ويدورون بنات مفقودين وكذا الوضع يخوف بس خف شوي الشرطة جات وفي ناس تساعد وتنشر مساعدة وكذا انشاءلله يتعدل الوضع ومحد يصير فيه شيء”
    يعني مدري اش جوها ونص متابعيني يرسلون لي شوفي هذا الكومنت وشوفي هذا الكومنت يعني الصراجه انصدمت كيف الناس يتداولون الاشاعات بشكل غير حقيقي ولا كل واحد يحط له بهارات من حيث لا اعلم… المهم جيت افزع هنا واكلم المشرفات اشوف هذي المقاله وانه كل شي اكاذيب… ارتحت بس ريللي تضايقت يعني كذا انتو ما بس تاذون الستايز وفانزات تشونغها… انتو تؤذون سكيز وتشونغها نفسهم… يعني تخيلوا وصلت لهم ذي الاكاذيب اش بتكون رده فعلهم مثلا..؟

  18. حتى امبارح لما شفت كل ذيك الفوضى ما دخلت راسي و قلت مستحيل ذا الشي يحصل بالسعودية يعني اشمعنى كل حفلاتهم عادي و هنا صايرة كانه فيلم اكشن رغم اني مش من السعودية بس عاد نعرف انهم حريصين من ذي الناحية ذا غير عن الاشخاص اللي تم قذفهم و تم تشويه سمعتهم يا عزتي ليهم ان شاء الله يأخذوا حقهم

  19. (من الوسائل الإعلامية الأجنبية التي تداولت الخبر موقع koreaboo والعديد من الحسابات الأجنبية الكبيرة على وسائل التواصل الاجتماعي)

    يعني معترفين بهالشي و لازلتو تاخذونهم مصدر و تترجمون مقالاتهم !! عجيب

    1. الكل بالاول نشر الامر نفسه حتى وسائل الاعلام العربية من اول تغريدة كاذبة قبل ما المعنيات ينشرو تغريداتهم الهزلية الثانية

      1. نقتدي فيهم مثلا؟ انا قصدي كوريابوو معروفه بالاشاعات وتعتبر من الصحف الصفراء لذلك اتمنى من الموقع مايترجم مقالاتهم

  20. طبعا هذول الأجانب مصدقوا على الله و على طول راح ينشروا القصة في كل مكان .

    1. لا بالعكس اصلا اغلب الي نشروا القصص حسابات عربية بس عشان كم لايك و ريتويت و في بعضهم ارسلو للكورين القصص الكذب و ترجموها لهم بس عشان يسون اثارة جدل

  21. لازم تحرجونا قدام العالم يعني ؟ شكل تشونغها وستراي كيدز بعد ما شافوا الاخبار🤡🤡🤡🤡🤡

  22. الموضوع داخل فيه جهات خارجية من باب التشويه ويتكلموا بلسان السعوديين بالبداية وهالكلام من تركي ال الشيخ بنفسه … واللي زادها الناس اللي تنشر اي شيء بدون تتاكد وفيه ناس ايضا تحب تركب الموجه من مجانين الشهرة من السعوديين للاسف …يعني ما سووا هالاكشن في حفل بتس وهو اول حفل بيسوونها الحين ؟؟ واللي ضاعوا ترى فيه شيء اسمه امن وبوابات يدلونهم عليها ما بيختفون من على وجه الارض ف ليش هالدراما … فوق هذا اللي يقولون اطفال حضروا طيب ممنوع اللي اقل من عمر ١٢ يحضروا كيف فيه اطفال ؟ المهم اعجبني ان الدولة ما رح تتساهل في الاشاعات ورح تقبض عليهم

    1. لي نشر تويت سعوديات قاصرات مش عارفين انهن يقدمن خدمه كبيرة لفيرهن بهذا الهرج لنكن صريحين كثير من فانز الكيبوب تطلع منهم هاته الامور حتى يحصلو اتنشن فرقتهم المفضلة ويعملو شغلات طفولية
      اكيد رح ينسجنو

        1. افهمي المقصود
          وش عرفكم انهم مش سعوديات حتى الرجال الضحايا سعوديين كيف يكونو انعرفو من ببل واحد اجنبي

      1. فيه ايضا غير السعوديات ومن دول اخرى بلهجات ثانية وما ابي اذكرها احتراما للناس المحترمة فيها لان ما نعمم
        … كانوا بيقولوا احداث اشبه بالافلام وبالاخير طلع انهم حتى ما حضروا الحفل ويزيدوا بهارات … وعندنا بالسعودية الاجنبي والسعودي واحد في اي موضوع ينذكر فيه كلمة تحرش يتم اخذ الموضوع بجدية … اذا على تداول اشكال السعوديين وصورهم زي ما انتي شايفة منتشرة من زمان بخصوص مواضيع ثانية وانشهروا بسببها لكن التلفيقات ادت انه تحصل مشكلة اكبر سهل جدا تاخذي صورة لسعودي من اي مكان وتتهمينه بما انهم ناشرينها اصلا … وزي ما ذكرت الموضوع من الجانبين وكوني قلت هالشيء ما اشوفه يزعل … ما اظن كلمة الحق برضو بنزعل منها

    2. من جد واضح ان فيه احد ورا كل هالسالفه توي قاعده افكر مب منطقي ان هذول كلهم فكروا بنفس الكذبه وكذبوها مع بعض بنفس الوقت..قرف

  23. بصراحة كل مين بعرفو راح عسعودية مدح عن الأمان يلي عندن الله يديمو عليهن .. فما بعرف شو نيتون هدول يلي بدون يشوهوا سمعة السعوديين .. اكيد ما بتسلم الجرة كل مرة بس مو لدرجة يلي عم يقولوا في واحد بخ ومابعرف شو 😂😂😂😂 شو وين عايشين بأمريكا!

  24. يا الله صباح خير

    الواحد ينام بأمان الله يصحى على أفلام بوليودية
    اللي تقول جاها نزيف ماتقدر تطلب اسعاف ! بس ماشاء الله تقدر تغرد بتويتر وتبربر !🙃
    واللي يرش ويخطف ما فيه شرطة وكاميرات مثلا !
    الشرطة محاسبين عزيزاتي لو اتصلتي فيهم أو بدر منهم تقصير يامغفلات ،الله يعينهم على هالمعاتيه
    وكمان ترجموا هبدهم بالانجليزي 😂😂😭
    عمري ما شفت مبزرة مثل بعض معجبي الكيبوب لدرجة تشوهون سمعة أشخاص ابرياء وسمعة بلدكم يا أغبياء ؟
    انطقي ببيتك انت وياها حدكم تشوفون الحفل من الجوال وكثير عليكم بعد الله لايعيدها من فعالية .

    1. المشكله شفت من بلدان عربيه تانيه تنشر اخبار هذي من تويتر و تزيد عليها انه مافيها سعوديه امان و غيره هذا الي يقهر

      1. الأمن والأمان الحمد لله ربي يديمه علينا
        والعسكر نعرفهم راعيين فزعة ، شفت واحدة منزلة عسكري يوديهم بعيد عن المطر والأعمدة
        وبعد مافضي المكان برضه كان فيه دوريات أمن واحد راح صور بعد ماقرأ الكذب المنتشر
        وكمان فيه أماكن لشحن الجوالات ومقاهي
        والمنظمين قبل الجمهور تعبانين
        ما انكر فيه عينات مريضة الله ياخذهم بس مو الدراما والكذب اللي مسويينه !
        وبعض العرب أي خبر سيء عن السعودية ينشرونه ويفرحون فيه بعد لو كان من مسيلمة الكذاب بذاته 😂😂
        وكمان بعض العرب يحسسونك ان الإسلام فرض كفاية تلتزم فيه السعودية فقط ويسقط عن باقي المسلمين 🙃دولهم فيها ما الله به عليم .
        إن شاء الله معاد نشوف حفلات عرب ولا عجم ولا هالمظاهر الشاذة علينا ونخلص من هالمصايب ومن قرفهم .

  25. اغلبها كتابة فقط، لو في صور كنت صدقت، دخلت حساب وحدة وبين كل تغريدة وتغريدة وقت كافي تصور اي شي كإثبات، تكتب انا خايفة ساعدوني وتستعطف المراهقات ويقومو يحسبو ان الكونسرت فوضى، شفت التنظيم قوي والشرطة في كل مكان، واشياء زي انك تضيع هذا وارد لانك رايح مكان زحمة وكبير، وفي تجعمات في كل مكان، خلوكم فبيوتكم لو بتشوهو سمعة التنظيم والعرب بذا الشكل، اصلا اشك انهم راحو يمكن فاضيات في البيت يحبو يسوو مشاكل.

  26. اهخخ الحين الكوريين يستلومنا ارهابيين وهمجيين، ماشافو نفسهم اول ما يمرو قدامهم في المطار يطبو فوقهم بكل همجية.

    1. يقهرررر وربي اول امس وامس وهم بسبيس التويتر يطقطقون علينا وما يبونهم يجون عندنا.. الحين يمسكوننا طقطقة الله لا يبارك بالعدو

    2. للأسف عيالنا وبناتنا مصخوها حتى اختي الصغيرة كانت توريني فيديو لخروج ستاري كيدز من المطار تقولي هذولا بأس اقولها شوفي مكتوب سكيز ذولي فرقة ثانية، لإن بأختصار الصورة النمطية عندنا انهم كلهم بتس، دارية انهم أسوأ من بعض بس ما يصلح انه كأنه باقي الفنانين من دول كثيرة محد يتكلم عليهم بس اذا جو كوري يمسكون الموضوع، وكله على بعضه مصخرة

      1. قلتي بي تي اس وستراي كيدز اسوء من بعض🤨اكرهي الفاندوم شو دخل الفرقة ليش اسوء من بعض
        وتساؤلك ليش في فرق لما يجو اجانب ولما يجو الكوريين لانو كل اليوتيوبرز العرب ولي الكل يتابعهم راكبين الموجة ويسبو الكيبوب ولي مايعرفو الكيبوب رايهم من رأي هدولا التافهين وبما انهم مايحكو الا على بي تي اس فكل كوري بي تي اس بالنسبة الهم
        لو كان عندنا شعب متفتح ماكانو سبو الكيبوب ولا الكيبوبيين
        ولا الستايز عملولكم فضيحة قدام العالم و خلونا مصخرة
        والاجانب عجبهم هاد الشي لانو سبب يخليهم يسبو ديننا فنضرتهم على الاسلام والمسلمين انهم همج
        ويعني مافي فرق بينهم وبين الناس لي تسب الكيبوب وهم مايعرفوه حتى
        هم اصلا مايعتزو بالدين زينا المهم انهم يسبو المسلمين

  27. مسخره الي صار يعني الي قاعد بنشر صور ناس ويقول متحرشين ويخدروا البنات والمشكله ان محد تحرش ولا خدر واغلب العرب قاعدين ينشروا الصور ويشوهوا سمعتهم غير الأجانب الي قاعدين يالفوا مسلسلات من ورانا ترا مصار كلذا كم واحد ضايق البنات وكان من برا المنظمين وبرا طاقم الأمن والمفقودين مش اختطاف ولا تحرش وكلهم رجعوا تقريبا الكل قاعد يتداول كلام ما صار الحفل انلغي عشان الجو ومحد من سكيز او تشونغها تاذوا

    1. ناس ما تخاف ربها و المشكله يصورو في اشخاص علي اساس انهم متحرشين و تشويه سمعه

  28. شوفوا هي السالفة إن فيه بنات ضيعوا بعض واكيد كان فيه متحرشين من الي يلاحقونهم ويرمون عليهم كلام فهم قاموا كتبوا في تويتر وعاد تعرفون إذا انكتب شيء في تويتر كيف التهويل والدراما الي تصير ويحسسونك إنه وضع حياة أو موت. هذا أولا. ثانيا فيه كمية متخلفة مستفزة من الذكور قاموا يخوفون البنات في تويتر ويسوون انفسهم إنهم هناك وقعد يخطون البنات وطبعا الصغار المتحمسين الي ف بيتهم قاموا يصدقون وينشرون كلامهم ويخوفون الباقين. هنا الاجانب قاموا يترجمون الدراما والاشاعات الي انكتبت. وما وقف الموضوع هنا بعدها جت مجموعة متخلفة من الذكور على اساس يسوون انفسهم يضحكون قعد يسوون انفسهم بنات ضايعات هناك. فالموضوع كله من وراء راس البقر الي ف تويتر الي زادوا بهارات ع السالفة.

    انا تابعت البنات من البداية كلهم لقيوا الي ضيعوهم وكلهم رجعوا بيوتهم قبل الساعة ١ ونص وذلك الهاشتاقات والكذب كان مستمر للصباح.

  29. اتمنى تركي ال شيخ ما يجيب مشاهير كيبوب بعد اليوم لانكم اطفال و ما تساهلوا اطفال أكبروا بعدين نجيكم ناس كويسه + بالله اللي سوا ذا الكذبه و ظلم ناس ايش يحس فيه ذحين ارتاح ؟ و بعدين تاكدوا قبل ما تنشرو شي زي البهايم تمشوا ،

    “ع كثر المغنين العرب و الاجانب اللي جو عندنا في السعودية ما شوفت اعفن من ذا الحفل مع الاسف ”

    بعدين اخر شي تصدقوا الاعلام و برامج التواصل الاجتماعي ي اطفال

  30. احسن شي م يجون عندنا مرة ثانية دول العربية م مال كونسرات خلوهم في كوريا ابرك عادي عندنا بنشجعهم من بعيد ولا يصير الي صار امس

    1. ياخي قبل جو في جده و جو سوبر و الخ و بتس في الرياض الخ ما صار زي كذا + ذولي ناس تبغا شو و شويت متابعين و لما شافوا الجد و ناس قامت تشتكي عليهم لانهم شوهوا سمعتهم الخ ذحين شوفي كلامهم او حسابهم محذوف خافو بس ما بعد ماخربو سمعت الناس حسبي الله

      1. اي ادري جو من قبل كلة من البيبي ستان فشلونا صق اول مرة يحضرون كونسرت و حبو يفلونها بغباء

  31. للي كانوا قاعدين على الأرمي شفتوا الحين ولا ماشفتوا مين أسوء ومين أحسن

    1. مفي اسوأ ولا في احسن لان كل فئة فيها الكويس والسيء.. انا من الارمي الي انغبنوا قبل الحفل بسبب المضايقات الي جات البنات الارمي لكن ما ننكر ان كل فاندوم فيه الفئة التوكسيك ذي.. لا تربطين مواضيع مالها دخل ببعض

      1. واو لما جابو سيرة الأرمي محد تكلم وقال إيش دخل فانز بانقتان مع فانز ستراي كيدز والحين لا ،ما لازم أتكلم وأجيب سيرة لهم زي الثانيين
        أنا أصلا المقصد من تعليقي هذا أني أوضح لبعض العينات اللي تجيب سيرة الأرمي هنا فكل مكان أنه مافي شي اسمه هذا الفاندوم أحسن أو أسوء من الثاني لأن كل فان يمثل نفسه بس هذا اللي بغيت أوضحه بس الواضح البعض فهم تعليقي غلط

        1. اذا تقصدي من الناحية ذي فصادقة صاروا الفاندومات ماخذيننا شماعة كل شيء يحطونه فوق راسنا واذا فاندوم ثاني غلط نفس خطأنا مشوها لهم وامس اكبر دليل اكلوا الي معهم ارميبومب والي جايبين لايتستيك الفرق الثانية صوروهم وفرحوا بهم ما قالوا شيء عنهم فحقيقي احنا الارمي يهاجمونا على اصغر حاجة.. لكن تعليقك صياغته بتخلي الناس تفهمك غلط وتهاجمك والا وجهة نظرك صحيحة 🏃🏻‍♀️💔

        2. أعرف بس أحيانا ما أعرف كيف أعبر عن وجهة نظري بالطريقة الصحيحة وبعض الناس تفهمني غلط للأسف،رح أحاول أحسن طريقة تعبيري

        3. يس حاولي علشان ما يجيك هجوم وانتي ما تقصدي 😭 و مو مشكلة حصل خير 🥺

        1. انا اصلا ما فهمت لما كتبتي كذبت وسالت وش تقصدين وانا وانتي ضايعين😭😭😭😭

        2. ضنيت انك من يلي كانو يقولو انو الستايز ارحم من الارمي و سئلتك اذا كذبت عليك لانك انتي لي كتبتي التعليق وطلعتي انك كنتي عم تدافعي
          سوء فهم ومعرفت اشرحلك شو فهمت قبل
          وهلا .

      1. مدري أنا فذاك المنشور قلت أن كل فاندوم فيه الحلو والسيء بس لازم يجيبون سيرة الأرمي أستغفر الله

        1. على الرغم من انو في كتير ارمي عاقلين ومع هيك مايقولو الارمي افضل فاندوم ماعدا البعض لازم يقولو اسوء فاندوم يحكمو على ملايين الناس بافعال ناس قلال
          حتى لو في ألف انسان مانه عاقل داخل الفاندوم لسا تعتبر فئة قليلة جدا
          ومن المنطقي(على الاقل المنطق لي اعرفو) اننا نحكم على الناس على اغلبيتهم مو اقليتهم

  32. يا ساتر من الدراما وليش كل دا عشان شوية اتنشن واللي قاعدين يشهروا في صورة الادمي اتمنى معاقبة قانونية لهم الوضع سبهلل هو بدية اقتنع كل اللي في تويتر عقولهم مو معهم

  33. والله يا عيني مو بس الاعلام الاجنبي كل البنات الي عدهم حسابات وخصوصا السعوديات كلهم جانوو ينشرون ويحذرون وينبهون ويكولون صار تحرش و خطف وعصابات والبوابة 6 ماادري شنو هاي ☺️و من هلسوالف و لو تشوفون طريقه تحذيرهم وتنبيهم كلش تخوف عبالك طاب عليهم داعش الله وكيل بس الي افتهمته البنات الي نشرن هنه هم مخدوعات عبالهن صدك اكو هيج شي يعني مو متقصدات واحنة متنه خوف الله شاهد بالتالي يطلع كله تهويل وكذب واشاعات 🤦🏻‍♀️

  34. اكيد اذا الكل ينشر اشاعات وبطريقه مهولة وتخويف الدول العربية والاجنبية الباقية شمدريها تريدلها بس خبر حتى تنشره وخصوصا هيج امور

  35. ما اقول الا الله يسعدلي الارمي 💗ودام تركي ال الشيخ انزعج من الموضوع اتوقع نقدر نقول باي باي للفرق الكورية

    1. الستايز راح تنكتبون في التاريخ انكم السبب😂.. اتخيل تشونغها لما تسمع الاخبار راح تتواقع انها خارجه على وحوش

      1. والله الارمي قطعوا قلبي امس بسبب سالفة المظلة واللايتستيك بس وقت الهاشتاق امتلى ارمي يدعون حتى انا نسيت.. يارب السالفة تمر على خير وزي ما الاعلام الاجنبي نشروا اكاذيب يارب ينشروا تصحيح لها، مع اني ما اظن

        1. لا بس Saudi Yoongi هم الحساب الرسمي الوحيد الي شفته يتكلم عن امن الدولة بوقت الهاشتاق وما نشروا الاكاذيب المتداولة.. خفت الناس تهاوشهم لحظتها بس طلعوا صح 😭

    2. قبل جو ستري كيدز جده و سوبر الخ و ماصار زي كذا +
      واضح كانو مجموعه و قالوا دام تكنسل عشان المطر نطلع اكشن شوي ناس غبيه حسبي الله

  36. اقسم بالله حصل تفلليييييم مو طبيعي رشاش ونزيف وتحرش واختطاف ؟ خير ؟ والله لو اننا في اخس دوله مايصير كذا! ممكن حالات ضياع بس الامن والشرطه موحوده والاسعاف كمان ! يعني حتى ناس بريئه خلوهم متحرشين ! احتمال كبير يكون هذا الحفل اخر حفل وماتوقع بيجيب بعده اي فرقة كيبوب لان اللي تضح ان الفانز مجرد اطفال مهم وجه للحفلات

    وانا ماحزني الا تعب المنظمين ورجال الامن والاسعاف كان عجاج ومطر لكنهم حريصييين على المتواجدين

  37. وحسبي الله ونعم الوكيل في كل وحده عربية او سعودية نشرت كذذب واشاعات عشان شويه اتنشن ولايكات💔💔

  38. المواضيع الي كنت مهتمه فيها الي ماعندهم سيارة وجاين من مناطق بعيده ومافي احد يرجعهم او عندهم اخت او اخ ضايعين بس وش الي يرش بودرة ولا يخطف البنات معليش مايدخل المخ المكان كله فيه ناس معقولة محد قدر يوقفهم ومافي امن هناك يوقفونهم في اشياء مرا فلم فللللمممم بيخلون الواحد مايفكر يجيب فرق كورية مرا ثانية ولا حتى لو جابوا الاهل بيرفضون يخلون بناتهم يروحوا بسبب الي قروه من اشاعات

  39. الي يقهر ان كل هذا عشان كم لايك سواء الي يقول انا خطفت ولا انا انخطفت وش وضعههم ذولا

  40. الي صار مهزله ما بينسكت عنها عيب ترا
    الله يحمي السعوديه من كل شر💞

    1. ي لليل مشكلة الناس اللي ما صدقو يمسكوا شي 🤦🏻‍♀️ قبل جو في جده هم و سوبر الخ و بتس في الرياض و هذا غير فنانين العرب و الاجانب اللي جو + بس واضح كان في هجوم ومتفق عليه لان مو معقوله كلهم قاموا يفلمو ع كيفهم و بدون سبب + و ترى مو كلهم سعودين اللي تكلمو شوفت دول ثانية عربية قاعده تتكلم حتى ما تدري ايش السالفة بس كذا يهبدون من عندهم ” طبعًا كل وحده تمثل نفسها ما تمثل دولتها او اهلها “

  41. فوق مشاعرنا الي استهلكت اشركونا بالذنوب كنت فاكرة اني بساعد الناس الي محتاجة طلعت بنشر اشاعات من غير معرف
    حسبي الله بالكذابين من هنا ورايح اذا في حد محتاج مساعدة مش هيلاقيها لان محدش هيصدقه عن نفسي حلفت حلف مغلظ مش هرتوت اي نوع من طلبات المساعدة بالتويتر

  42. اكثر ناس منظمين هم فانز الكيبوب ويطلعون كل الاشاعات عنهم وحفلات الفاننين العرب والاجانب تصير بلاوي ومبسوطين فيهم مدري على ايش

  43. ضحكتني وحده كاتبة حتى رجال الأمن يتحرشون لا تروحون لهم رحوا للبنات الي هناك! بس حتى البنات ممكن يستغلون بعض! صح انه غالباً الحركات ذي تجي من العيال بس برضوا البنات مو منزلين من الجنة و رجال الأمن هم الوحيدين الي نضع فيهم الثقة فاوضاع زي كذا و لو رجال الأمن ما يستحقون الثقة كان صارت عمليات خطف و اغتصاب بكل مكان مو بس بالحفلات
    مو معقولة اترك الأمن و المنظمين و اروح لبنات غريبات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق