هايب نفت شائعات مواعدة V عضو فرقة BTS لابنة رئيس مجموعة بارادايس

أخصملك بالعشرة إن نامجون يواعد، ماعندي أي دليل ولا أي إشاعة أو معطيات أقدر أحللها عشان أتأكد بس كل شي بيكون أكثر منطقية لو كان يواعد وداخل بعلاقة جدية😭😭 صح الموضوع متداول كدعابه بين الفانز لكن انتظروا صدقوني بيطلع حقيقي(لا تسأليني ليش، ده إحساس أكثر من امرأة أكيد ما بيخطئش).
وبالنسبة لبقية الأعضاء يونقي واعد سوران وهذي أكيده بالنظر لتلميحها بحسابها وقتها وبالنظر لتعليق صديقتها، بس الظاهر إنفصلوا على طول بعد الإشاعات لأن يونقي أنكر بسرعة للأسف.
ونجي لآخر عضو ظهرت له إشاعات مواعدة وتأججت قبل سنتين وهو جونغكوك، الصور مو صور شخص آخر مثل ما الآرميز يدعوا ويصدقوا وهذا شي مفروغ منه، نرجع لموضوعنا، بربك هل هو شي مقبول بمجتمع متحفظ زي المجتمع الكوري إن الولد يحضن صحبته حضن خلفي بدون ما يملك مشاعر رومانسية اتجاهها؟ عمرك مارح تلاقي أصدقاء من أجناس مختلفة بهذا الانفتاح بكوريا، بيكون فعله أغرب بكثير وخارج عن شخصيته إلي يظهرها لو ما كان يواعدها وقتها(على الأرجح حتى هم انفصلوا لأنها تمرمطت بسبب هالإشاعات المسكينة، مع ذلك معقول إنهم ما زالوا مع بعض).
أما جيمين كلنا عارفينه مستحيل ماقد واعد من سابع المستحيلات+لا تسأليني ليش٢
وهوبي لمن سألوه عن حبه الأول قال إنه كان يواعدها وتركته لشخص آخر أجل واعد حتى هو(خل ندعي يارب يدخل بعلاقة صحية ويلاقي الشخص إلي يحبه ويدعمه).
وجين بأحد الصور القديمة له صور نفسه مع علبة واقيات بالغلط وسووله الكوريات سالفة بس مين بيشتري واقيات ذكرية وهو ما بيستعملها؟(آسفة عالشفافية).
وتايهيونغ إشاعته هذي معطياتها ما تكفي عشان نجزم لأنه عائلاتهم أصدقاء وأكيد بيدعم بنت صاحب أبوه أو أياً كانت+دوبه نزل بالويفرس يقول إنه متنرفز ووده يغني Ugh وإلي موضوعها واضح عن إيش يلمح فشكله ما يواعدها، أضيفي لذلك إنه قابلها هي وأمها بمكان عام أكيد توقع إنه يلاقي فانز فيه(على عكس كوك إلي راح لفنانة الوشوم بمحلها وما كان فيه غير أصدقاؤه) ولو كان يواعدها مستحيل يخرج معاها علناً.
يع أحسني مره ملقوفه ونا اكتب هذا الكلام بس كنت بوضح لك لان حقين تويتر وانستقرام ينهاروا لمن أقلهم هالأشياء، كنت بشوف ردة فعل حقين المواقع